ಬೆಂಗಳೂರು, ಕರ್ನಾಟಕ, ಭಾರತ:
೨೨ನೇ ಫ಼ೆಬ್ರವರಿ ೨೦೧೭
ಪರಿಚಯ:
ಹೆಸರಾಂತ ಧಾರ್ಮಿಕ ಸಂಗೀತ ನಿರೂಪಕ, ಗಾಯಕ, ಗಿಟಾರಿಸ್ಟ್,
ಕೀಬೋರ್ಡ್ ಕಲಾವಿದ ಹಾಗೂ ಸಂಗೀತ ನಿರ್ದೇಶಕರಾದ ಸಾಹಿಲ್ ಸೂರಜ್ ಜಗ್ತಿಯಾನಿ ಇಂದು
ತಮ್ಮ ಸ್ವಂತ ಸಂಗೀತ ಲಾಂಛನವಾದ ’ಎಸ್.ಎಸ್.ಜೆ. ಪ್ರೊಡಕ್ಷನ್ಸ್’ನ್ನು
ಉದ್ಘ್ಹಾಟಿಸುತ್ತಿದ್ದಾರೆ. ಭಜನಾಮೃತ, ಸ್ತೋತ್ರ,
ಹಿಂದೂಸ್ಥಾನಿ ಶಾಸ್ತ್ರೀಯ ಸಂಗೀತ, ಪಾಶ್ಚಿಮಾತ್ಯ
ಶಾಸ್ತ್ರೀಯ ಸಂಗೀತ, ಪಾಪ್, ರಾಕ್ ಮತ್ತಿತರ
ಶೈಲಿಗಳಲ್ಲಿ ಪ್ರತಿಭೆ ಹೊಂದಿರುವ ಕಲಾವಿದರನ್ನು ಬೆಳಕಿಗೆ ತರುವ ದಿಶೆಯಲ್ಲಿ ಈ ಸಂಸ್ಥೆಯನ್ನು
ಮುನ್ನಡೆಸಬೇಕೆಂಬ ಮಹತ್ವಾಕಾಂಕ್ಷೆಯನ್ನು ಅವರು ಹೊಂದಿದ್ದಾರೆ.
’ಆರ್ಟ್ ಆಫ಼್ ಲಿವಿಂಗ್’ ಪ್ರತಿಷ್ಠಾನದಲ್ಲಿ
ಹಿರಿಯ ಅಧ್ಯಾಪಕರಾಗಿರುವ ಸಾಹಿಲ್ ಜಗ್ತಿಯಾನಿ, ತಮ್ಮ ಆರಾಧ್ಯ ದೈವ
ಗುರುದೇವ ಶ್ರೀ ಶ್ರೀ ರವಿಶಂಕರರ ಪ್ರೀತಿ ಮತ್ತು ಶಾಂತಿಯ ಸಂದೇಶವನ್ನು ವಿವಿಧ ಕಾರ್ಯಾಗಾರಗಳ
ಮೂಲಕ ಹರಡುವ ಕಾಯಕಕ್ಕೆ ಬದ್ಧರಾಗಿದ್ದಾರೆ. ಸಮಕಾಲೀನ ಧಾರ್ಮಿಕ
ಸಂಗೀತವನ್ನೂ ಪ್ರಪಂಚದಾದ್ಯಂತ ಕಳೆದೆರಡು ದಶಕಗಳಿಂದ ಅವರು ಪ್ರಸರಿಸುತ್ತಿದ್ದಾರೆ. ಈ ಕಾರ್ಯಭಾರವು ವಿಶ್ವಾದ್ಯಂತ, ಅದರಲ್ಲೂ ಯುವ ಸಮುದಾಯದ ಮೂಲಕ,
ಅವರಿಗೆ ಜನಪ್ರಿಯತೆ ದೊರಕಲು ಕಾರಣವಾಗಿದೆ.
ಸಂಗೀತ ಲಾಂಛನ ’ಎಸ್.ಎಸ್.ಜೆ.
ಪ್ರೊಡಕ್ಷನ್ಸ್’ನ ಪ್ರಭಾವಳಿಯಲ್ಲಿ, ಸಾಹಿಲ್ ಜಗ್ತಿಯಾನಿ, ಸ್ವರ ಮಾಧುರ್ಯದ ೨೨ ಆಲ್ಬಂಗಳನ್ನು
ಸಂಗೀತಾಭಿಮಾನಿಗಳಿಗಾಗಿ ಬಿಡುಗಡೆ ಮಾಡುವ ನವ ಪಯಣಕ್ಕೆ ಸನ್ನದ್ಧರಾಗಿದ್ದಾರೆ. ಸ್ವಂತ ಗಾಯನದ / ಕಲಾವಂತಿಕೆಯ ೧೭ ಸ್ಟುಡಿಯೋ ಆಲ್ಬಂಗಳನ್ನೂ,
ನಿರೂಪಕ ಹಾಗೂ ಸಂಗೀತ ನಿರ್ದೇಶಕ ಸ್ಥಾನವನ್ನಲಂಕರಿಸಿ ೧೪ ಆಲ್ಬಂಗಳನ್ನೂ ಕಳೆದ
ವರ್ಷಗಳಲ್ಲಿ ಬಿಡುಗಡೆ ಮಾಡಿದ ಆಳವಾದ ಅನುಭವ ಅವರ ಇಂದಿನ ಕಾರ್ಯಕ್ರಮಕ್ಕೆ ಉತ್ತೇಜನ ನೀಡುತ್ತಿದೆ.
’ಎಸ್.ಎಸ್.ಜೆ.
ಪ್ರೊಡಕ್ಷನ್ಸ್’ನ ಸ್ಥಾಪಕ ಸಾಹಿಲ್ ಜಗ್ತಿಯಾನಿ
ಭಕ್ತಿಪೂರ್ವಕವಾಗಿ ಹೇಳುವ ಮಾತಿದು: ’ಗುರುದೇವ ಶ್ರೀ ಶ್ರೀ
ರವಿಶಂಕರರ ಅನುಗ್ರಹದಿಂದ ನನ್ನ ಬದುಕಿನಲ್ಲಿ ಆಶ್ಚರ್ಯಕರವಾದ ಬದಲಾವಣೆ ಏರ್ಪಟ್ಟಿದೆ. ಮಹತ್ತರವಾದ ಆ ಬದಲಾವಣೆಯ ಅನುಭವ ಸಂಗ್ರಹವನ್ನು ನನ್ನ ಸಂಗೀತದ ಮುಖಾಂತರ ವಿಶ್ವಾದ್ಯಂತ
ಕೇಳುಗರೊಂದಿಗೆ ಹಂಚಿಕೊಳ್ಳುವುದು ನನ್ನ ಏಕೈಕ ಉದ್ದೇಶವಾಗಿದೆ.’
ಲಾಂಛನದ ಉದ್ಘಾಟನೆ ಮತ್ತು ಮಾರ್ಚ್ ೩ರ ಸಂಗೀತ ಸಂಜೆ
ಕುರಿತು:
ಹೊಸ ಸಂಗೀತ ಲಾಂಛನ ’ಎಸ್.ಎಸ್.ಜೆ.
ಪ್ರೊಡಕ್ಷನ್ಸ್’, ಆಧುನಿಕ ತಾಳವಾದ್ಯದ ಆರು
ಪ್ರತಿಭಾವಂತರ ಸಹಯೋಗದೊಂದಿಗೆ, ’ವಂಡರ್-ನೌ’
ಎಂಬ ಶೀರ್ಷಿಕೆಯುಳ್ಳ ಆಂಗ್ಲ ಗ್ರಾಮೀಣ ಜಾನಪದ ರಾಕ್ ಸಂಗೀತ ಸಂಜೆಯೊಂದನ್ನು
ಹಮ್ಮಿಕೊಂಡಿದೆ. ಈ ಸಂಗೀತ ಸಂಜೆಯನ್ನು ದಿನಾಂಕ ಮಾರ್ಚ್ ೩ರಂದು,
ಕನಕಪುರ ರಸ್ತೆಯಲ್ಲಿರುವ ಶಂಕರ ಫ಼ೌಂಡೇಷನ್ ಸಭಾಂಗಣದಲ್ಲಿ ಏರ್ಪಡಿಸಲಾಗಿದೆ.
ಸಾಹಿಲ್ ಜಗ್ತಿಯಾನಿಯವರ ೨೨ನೇ ಸ್ಟುಡಿಯೋ ಆಲ್ಬಂ ಕೃತಿಗಳನ್ನು ’ವಂಡರ್-ನೌ’ ಸಂಗೀತ ಸಂಜೆಯು
ಬಿಂಬಿಸಲಿದೆ. ಆಂಗ್ಲ ಮುಖ್ಯವಾಹಿನಿಗೆ ಈ ಸಂಗೀತ ಸಂಜೆಯ ಮೂಲಕ,
ತಮ್ಮ ೨೦ ವರ್ಷಗಳ ಅನುಭವದಲ್ಲಿ ಮೊಟ್ಟಮೊದಲಿಗೆ ಸಾಹಿಲ್ ಜಗ್ತಿಯಾನಿ ಪಾದಾರ್ಪಣ
ಮಾಡಲಿದ್ದಾರೆ. ರಾಕ್ ಸಂಗೀತಕ್ಕೆ ’ವಂಡರ್-ನೌ’ ಒಂದು ಹೊಸ ಆಯಾಮವನ್ನು ಒದಗಿಸಲಿದ್ದು, ಯುವಜನಾಂಗಕ್ಕೆ ಸ್ಫೂರ್ತಿದಾಯಕವೆನಿಸಲಿದೆ. ಯುವಕ-ಯುವತಿಯರು ಸುತ್ತಮುತ್ತಲಿನ ವಿದ್ಯಮಾನಗಳ ಬಗ್ಗೆ ಈಗಿಗಿಂತ ಹೆಚ್ಚಿನ ಸಂವೇದನೆಯನ್ನು
ಹೊಂದಲಿದ್ದಾರೆ.
ಸಾಹಿಲ್ ಸಾಗಿದ ಹಾದಿ:
’ಕಿಂಗ್ಸ್ ಕಾಲೇಜ್ ಆಫ಼್ ಲಂಡನ್’ನ ಪದವೀಧರರಾದ
ಸಾಹಿಲ್ ಜಗ್ತಿಯಾನಿ, ಯಥೇಚ್ಛವಾಗಿ ವಿಶ್ವಾದ್ಯಂತ ಆಧ್ಯಾತ್ಮಿಕ ಪ್ರವಾಸ
ಮಾಡಿದ ಹಿನ್ನೆಲೆಯುಳ್ಳವರು. ಜಗತ್ತಿಗೆ ಅರ್ಥಪೂರ್ಣವೂ, ಆಪ್ಯಾಯವೂ ಆಗಿರತಕ್ಕಂಥ ಸಂಗೀತವನ್ನು ಅರ್ಪಿಸುವ ಉದ್ದೇಶವುಳ್ಳ ತಮ್ಮ ಸ್ವಂತ ಸಂಗೀತ
ಲಾಂಛನ ’ಎಸ್.ಎಸ್.ಜೆ.
ಪ್ರೊಡಕ್ಷನ್ಸ್’ಗೆ ’ವಂಡರ್-ನೌ’ ಆಲ್ಬಂನ ಸೇರ್ಪಡೆಯೊಂದು ಅನನ್ಯವಾದ ದಿಕ್ಸೂಚಿಯಂತೆ
ಕಾರ್ಯ ನಿರ್ವಹಿಸಲಿದೆ. ಸಾಹಿಲ್ ಜಗ್ತಿಯಾನಿ ತಮ್ಮ ನಿಜವಾದ ಸತ್ವ
ಏನೆಂಬುದನ್ನು ಅರ್ಥ ಮಾಡಿಕೊಂಡದ್ದು ತಮ್ಮ ೨೦ನೇ
ವಯಸ್ಸಿನಲ್ಲಿ, ಗುರುದೇವ ಶ್ರೀ ಶ್ರೀ ರವಿಶಂಕರರ ಮಾರ್ಗದರ್ಶನದಿಂದ.
ಹೈಸ್ಕೂಲ್ ವಿದ್ಯಾರ್ಥಿಯಾಗಿದ್ದಾಗಲೇ ಸಂಗೀತದ ಬಗ್ಗೆ ಅಷ್ಟಿಷ್ಟು ಆಸಕ್ತಿ
ಬೆಳೆಸಿಕೊಂಡಿದ್ದ ಸಾಹಿಲ್, ಗುರುಗಳ ಭೇಟಿಯ ತರುವಾಯ, ’ತಾವಿನ್ನು ಹಾಡಿದರೆ ಅದು ಗುರುಗಳ ಪ್ರೀತಿ ಮತ್ತು ಶಾಂತಿಯ ಸಂದೇಶದ ಪ್ರಸಾರಕ್ಕಾಗಿ ಮಾತ್ರ’
ಎಂಬ ನಿಲುವು ತಳೆದರು. ಪಾಪ್, ರಾಕ್ ಮತ್ತು ಟ್ರಾನ್ಸ್ ಆಲಿಸುತ್ತ, ನುಡಿಸುತ್ತ ಬೆಳೆದು
ನಿಂತ ಓರ್ವ ಸಾಮಾನ್ಯ ವ್ಯಕ್ತಿ, ತನ್ನ ಅಸ್ತಿತ್ವಕ್ಕೆ ಅರ್ಥ
ನೀಡಬಲ್ಲಂಥ ಸಂಗೀತ ನಿರೂಪಿಸಬಲ್ಲವನಾದದ್ದು ಆ ಸಂದರ್ಭದಲ್ಲೇ. ಸಾಹಿಲ್
ಸಂಗೀತದ ಸಂಯೋಜನೆಯು, ಪಾಶ್ಚಿಮಾತ್ಯ ಮತ್ತು ಭಕ್ತಿ ಶಿಕ್ಷಣದ
ಬೇರುಗಳನ್ನು ಹೊಂದಿ, ಇಂದಿನ ಅಗತ್ಯಕ್ಕೆ ಅನುಗುಣವಾಗಿ
ಸ್ಪಂದಿಸಲಾರಂಭಿಸಿತು. ಸಾವಿರಗಟ್ಟಲೆ ಯುವಜನರನ್ನು ಧ್ಯಾನ ಮತ್ತು ಮನ
ಸೆಳೆಯುವ ಗಾನದೊಂದಿಗೆ ಪರಿವರ್ತಿಸಿ ಸಾಹಿಲ್,
ಬಹು ಬೇಗ ’ಆರ್ಟ್ ಆಫ಼್ ಲಿವಿಂಗ್’ ಪ್ರತಿಷ್ಠಾನದ ಯುವ ಚಿಹ್ನೆ ಎಂಬ ಗೌರವಕ್ಕೆ ಪಾತ್ರರಾದರು. ಅವರೋರ್ವ
ಮುಂಚೂಣಿಯ ಗಾಯಕ, ಗಿಟಾರಿಸ್ಟ್, ನಿರೂಪಕ,
ಸಂಗೀತ ನಿರ್ದೇಶಕ, ಕೀಬೋರ್ಡ್ ಕಲಾವಿದ, ಸೌಂಡ್ ಎಂಜಿನಿಯರ್ ಹಾಗೂ ಪ್ರೋಗ್ರಾಮರ್ ಎಂಬುದನ್ನು ಅವರ ಆಲ್ಬಂಗಳು
ನಿರೂಪಿಸಲಾರಂಭಿಸಿದವು. ಅವರು ತಮ್ಮ ವಾದ್ಯ ತಂಡದೊಂದಿಗೆ ಹೊರಟು ವಿಸ್ತೃತವಾಗಿ ರಷ್ಯಾ, ತೈವಾನ್, ಆಫ್ರಿಕ, ಹಾಂಕಾಂಗ್
ಮೊದಲುಗೊಂಡು ಅನೇಕ ದೇಶಗಳಲ್ಲಿ ಸಂಚರಿಸಿ ಮಾನವೀಯ ಮೌಲ್ಯಗಳ ಸಂಗೀತಪ್ರಸಾರಕ್ಕೆ ಕಾರಣರಾದರು.
ಅವರ ಮೊಟ್ಟಮೊದಲ ಆಲ್ಬಂ ’ಅವತರಣ್: ಯುನೈಟ್ ವಿಥಿನ್ ಯುವರ್ ಸೆಲ್ಫ್’, ಟೈಮ್ಸ್ ಮ್ಯೂಸಿಕ್
ಸಹಯೋಗದೊಂದಿಗೆ ವಿತರಿಸಲ್ಪಟ್ಟು, ವಿಶ್ವಾದ್ಯಂತ ಒಂದು ಲಕ್ಷ ಪ್ರತಿಗಳು
ಮಾರಾಟವಾದ ಆಲ್ಬಂಗಳ ಪಟ್ಟಿಯನ್ನು ಸೇರಿತು.
ಎಸ್.ಎಸ್.ಜೆ. ಪ್ರೊಡಕ್ಷನ್ಸ್
ಕುರಿತು:
’ಗಿರಿ ಟ್ರೇಡಿಂಗ್ ಏಜೆನ್ಸಿ ಪ್ರೈವೇಟ್ ಲಿಮಿಟೆಡ್’ನೊಂದಿಗೆ ’ಎಸ್.ಎಸ್.ಜೆ. ಪ್ರೊಡಕ್ಷನ್ಸ್’ನ ನಿಕಟ ಸಹಯೋಗ ಹೊಂದಿದೆ. ಇದು, ’ಯೂನಿವರ್ಸಲ್ ಮ್ಯೂಸಿಕ್ ಇಂಡಿಯಾ ಪ್ರೈವೇಟ್ ಲಿಮಿಟೆಡ್’,
’ಮನೋರಮಾ ಮ್ಯೂಸಿಕ್”, ’ಇನ್ರೆಕೋ ಅಂಡ್ ಆರ್ಟಿಸ್ಟ್ಸ್
ಇನ್ಕ್ಲೂಡಿಂಗ್ ಇಂಡಸ್ ಕ್ರೀಡ್’ ಮುಂತಾದ ಸಂಸ್ಥೆಗಳ ಆಪ್ಸ್ ತಯಾರಿಕೆ
ಮತ್ತು ಮಾರಾಟವನ್ನು ಹಿಂದಿನ ವರ್ಷಗಳಲ್ಲಿ ಸಾಹಿಲ್ ಜಗ್ತಿಯಾನಿಯವರು ನಿರ್ವಹಿಸಿ ಹೊಂದಿರುವ
ಅನುಭವದ ಫಲಶ್ರುತಿ.
ನೀವು ಹೊಂದುವ
ಸೇವೆಗೆ ಬೋನಸ್ ಎಂಬಂತೆ ’ಎಸ್.ಎಸ್.ಜೆ. ಪ್ರೊಡಕ್ಷನ್ಸ್’ ಒದಗಿಸುವ ಉಚಿತ ಆಪ್ ಅತ್ಯಂತ ಜನಪ್ರಿಯ.
ಉದಾಹರಣೆಗೆ, ಸ್ವಂತ ಉಪಯೋಗಕ್ಕಾಗಿ ’ಎಸ್.ಎಸ್.ಜೆ. ಪ್ರೊಡಕ್ಷನ್ಸ್’ ಬಿಡುಗಡೆ
ಮಾಡಿರುವ ’ಆಪ್’ನ ಡೌನ್ ಲೋಡ್ ಸಂಖ್ಯೆ ೫ ಲಕ್ಷವನ್ನು ದಾಟಿದೆ. ಗೂಗಲ್ ಪ್ಲೇ ಮತ್ತು ಯುಟ್ಯೂಬ್
ಪ್ರಿ-ರಿಲೀಸ್ ವಿಡಿಯೋಗಳ ವೀಕ್ಷಕರ ಸಂಖ್ಯೆ ಒಂದು ಲಕ್ಷವನ್ನು ದಾಟಿದೆ. ನಮ್ಮ ಸೇವೆಯನ್ನು
ಅಪೇಕ್ಷಿಸುವವರಿಗೂ ಇಂಥ ಲಾಭ ಪ್ರಾಪ್ತವಾಗಲಿ. ನಮ್ಮನ್ನು ಕೂಡಲೇ ಸಂಪರ್ಕಿಸಿ, ಆಕರ್ಷಕ ಬೆಲೆಯಲ್ಲಿ ನಮ್ಮ ಸೇವೆಯ ಲಾಭವನ್ನು ಪಡೆಯಿರಿ.
ಸಂಪರ್ಕ ವಿಳಾಸ: Sahil Jagtiani, # S 306 Soudhamini Apartments, Kanakapura Road, Udayapura, Bangalore – 560 038. ದೂರವಾಣಿ: 9986086860
